Йәй. Ял. Йәйләү 🌺👫👭🌈⛱ 🌞
Мәктәп уҡыусыларының йыл буйы түҙемһеҙлек менән көтөп алған йәйге каникулының ҡыҙған мәле. Ҡайһы бер балалар мәктәп лагерында, кемдер ауылда ҡартатай-өләсәйҙәрендә рәхәтләнеп ял итә.
Ә кемдер “Ал елкән” лагерында “Йәйләү” ҙә.
Балалар китапханаһы хеҙмәткәрҙәре ял итеүсе балалар менән осрашып, фәһемле “Халыҡ ижады – халыҡ байлығы” исемле сара үткәрҙе.
Башҡорт халыҡ ижады – быуаттар буйы һаҡланып, быуындан – быуынға күсеп килеүсе аҫыл ҡомартҡы, ҡиммәтле хазина, изге аманат, ҡәҙерле мираҫ…
Осрашыуыбыззың төп маҡсаты – телебеҙҙең байлығын, матурлығын күрһәтеп, телгә һөйөү, зирәклек, берҙәмлек, тапҡырлыҡ тәрбиәләү ине.
“Аманат” һәм “Шоңҡар” командалары “Әкиәтте дауам ит”, “Йомаҡ ҡойҙом – ҡас, йомолдоғон ас”, “Серле квадрат” исемле уйын – ярышта белемдәрен күрһәттеләр.
“Баланың кем икәнен белгең килһә, уйынына ҡара” тигәндәр. Ял итеүсе дуҫтарыбыҙ менән бергә күңел асып, башҡорт халыҡ уйындарын уйнаныҡ. Күптәргә таныш һәм яратып уйналған – көршәк ватыу, йомортҡа менән югереү, тоҡ кейеп югереү уйындары балаларға бик окшаны.
Балаларға ҡанат та ҡуя, маҡсатлы йәшәргә көс -дәрт тә бирә “Йәйләү”.
[metaslider id=”711″]